കഴിഞ്ഞ ദിവസം നടനും മന്ത്രിയുമായ സുരേഷ് ഗോപി മാധ്യമപ്രവർത്തകരെ കൈയേറ്റം ചെയ്യ്തു എന്നുള്ള വാർത്തയാണ് എങ്ങും പ്രചരിച്ചത്, ഇപ്പോൾ സുരേഷ് ഗോപിക്കെതിരെ വിമർശിച്ചുകൊണ്ട് എഴുത്തുകാരി സാറാ ജോസഫ് രംഗത്തു എത്തിയിരിക്കുകയാണ്. മാധ്യമപ്രവർത്തകരെ ആക്രമിക്കുന്നത് ജനങ്ങളെ ആക്രമിക്കുന്നതിന് തുല്യമെന്നാണ് സാറ ജോസഫ് തന്റെ എഫ് ബി യിൽ കുറിച്ചിരിക്കുന്നത്.
ജനപ്രതിനിധികൾ എന്തധികാരത്തിലാണ് മാധ്യമപ്രവർത്തകരെ കൈകാര്യം ചെയുന്നത്. ജനാധിപത്യ സംവിധാനത്തിൽ ജനപ്രതിനിധികൾക്ക് തുല്യമായ പദവിയാണ് മാധ്യമങ്ങൾക്കുള്ളത്, ജനങ്ങൾക്ക് വേണ്ടിയാണ് മാധ്യമങ്ങൾ സംസാരിക്കുന്നത്, അതിനാൽ അവർ ചോദ്യങ്ങൾ ചോദിക്കേണ്ടി വരും.മാധ്യങ്ങൾ നിങ്ങൾക്ക് പിന്നാലെയുണ്ട് എന്നത് ജനങ്ങൾ പിന്നാലെയുണ്ട് എന്നതാണ്
അതിനാൽ മാധ്യമങ്ങൾ സ്തുതി പാടണമെന്ന് വിശ്വസിച്ചാൽ നടക്കില്ല. മാധ്യമപ്രവർത്തകരെ ആക്രമിക്കുന്നത് ജനങ്ങളെ അക്രമിക്കുന്നതിന് തുല്യമാണ്, ജനപ്രതിനിധികൾക്ക് കൊമ്പും തേറ്റയുമല്ല,വാലാണ് വേണ്ടത്, അവർ ജനസേവകരെന്നാണ് ഭരണഘടന സങ്കൽപിച്ചിട്ടുള്ളത്. എന്നാണ് എഴുത്തുകാരി സാറ ജോസഫ് കുറിച്ചിരിക്കുന്നത്.
