സി പി എം ലും ഒരു പവർ ഗ്രൂപ്പുണ്ട് അവർ കുറ്റവാളികൾക്ക് കുടപിടിക്കുകയാണ് , വിമർശനവുമായി പ്രതിപക്ഷ നേതാവ് വി ഡി സതീശൻ. ആരോപണ വിധേയരായ ആളുകളെ പൂർണമായി സംരക്ഷിക്കുന്ന നിലപാടാണ് സിപിഎം ഇപ്പോൾ സ്വീകരിക്കുന്നത്. ശരിക്കും മലയാള സിനിമ നാണക്കേടിലേക്ക് പോകുന്നതിന്പൂർണ്ണ ഉത്തരവാദി സിപിഎം നയിക്കുന്ന സംസ്ഥാന സർക്കാർ ആണെന്ന് സതീശൻ തുറന്നടിച്ചു.ഇങ്ങനെയുള്ള ആളുകളെ സർക്കാർ സംരക്ഷിക്കുന്നതുകൊണ്ടു പ്രശ്‌നങ്ങൾ കൂടുതൽ രൂക്ഷമാകുകയുള്ളൂ
അതിക്രമം നേരിട്ടവർ ധൈര്യമായി വന്ന് അഭിപ്രായം പറഞ്ഞിട്ടും സർക്കാരിന്റെ ഭാഗത്തുനിന്ന് നിയമപരമായ പരിഹാരം ഉണ്ടാകുന്നില്ല. മുകേഷ് എംഎൽഎയുടെ രാജിക്കായി പാർട്ടിയിലെ ആളുകൾ സമ്മർദ്ദം ചെലുത്തിയിട്ടും മുഖ്യമന്ത്രി അനങ്ങുന്നില്ല. മുകേഷ് രാജിവെക്കണമെന്നാണ് കോൺഗ്രസ് ആവശ്യപ്പെടുന്നത്. കോൺഗ്രസ് എംഎൽഎ ആയ എൽദോസ് കുന്നപ്പിള്ളിയുടെ കേസിൽ പാർട്ടി നിലപാടെടുത്തു.
