സിദ്ദിഖിന്റെ ഫോൺ ഓൺ ആയി, ലൊക്കേഷന് വിവരങ്ങള് പൊലീസിന് ലഭിച്ചു, സിദ്ദിഖിനെ ഒളിവിൽ കഴിയാൻ സഹായിക്കുന്നവർക്കെതിരെയും കേസെടുക്കും. നടന് സിദ്ദിഖിന്റെ മൊബൈല് ഫോണ് ഒരു ദിവസത്തെ ഇടവേളയ്ക്കു ശേഷം ഓണായി. ഇന്നലെ മുതല് ഫോൺ സ്വിച്ച്ഡ് ഓഫ് ആയിരുന്നു. എന്നാല് ഇതില് വിളിച്ചവര്ക്കെല്ലാം, എന്ഗേജ്ഡ് സന്ദേശമാണ് ലഭിച്ചത്.
മുന്കൂര് ജാമ്യ ഹര്ജി ഹൈക്കോടതി തള്ളിയതിനു പിന്നാലെയാണ് സിദ്ദിഖിന്റെ ഫോണുകള് ഓഫ് ആയതും നടൻ ഒളിവിൽ പോയതും. സിദ്ദിഖിനെ ഒളിവിൽ താമസിക്കാൻ സഹായിക്കുന്നവർക്കെതിരെയും കേസെടുക്കും. സിദ്ദിഖിന്റെ നീക്കത്തിനെതിരെ അതിജീവിത സുപ്രീംകോടതിയിൽ തടസഹർജി നൽകാൻ തീരുമാനിച്ചിരുന്നു. സിദ്ദിഖിനെ കണ്ടെത്താന് സിനിമാ രംഗത്തും പുറത്തുമുള്ള സുഹൃത്തുക്കളെയും ബന്ധുക്കളെയും കേന്ദ്രീകരിച്ച് പൊലീസ് അന്വേഷണം തുടരുകയാണ്.
