നടി ഹണി റോസിനെതിരേ ലൈംഗികാധിക്ഷേപം നടത്തിയെന്ന ബോബി ചെമ്മണൂരിന്റെ ജാമ്യഹര്ജി ചൊവ്വാഴ്ച വൈകീട്ട് 3.30-ഓടെ ഹൈക്കോടതി പരിഗണിക്കും. കേസില് പ്രതിയായ ബോബി ചെമ്മണൂരിന് ജാമ്യം അനുവദിക്കാമെന്ന് ഹൈക്കോടതി പറഞ്ഞിരുന്നു. ബോബി ചെമ്മണൂരിന്റെ ജാമ്യഹര്ജി പരിഗണിച്ചപ്പോഴാണ് ജസ്റ്റിസ് പി.വി. കുഞ്ഞികൃഷ്ണന് അധ്യക്ഷനായ ബെഞ്ച് ഇക്കാര്യം വ്യക്തമാക്കിയത്.
അതേസമയം ബോബിയുടെ ജാമ്യഹര്ജിയെ സര്ക്കാര് കോടതിയില് എതിര്ത്തു. ബോബി ചെമ്മണൂരിനെ എന്തിന് കസ്റ്റഡിയില് വിടണമെന്ന ചോദ്യത്തിന്, പ്രതി നടിയെ തുടര്ച്ചയായി അപമാനിച്ചതായും ഈ സംഭവം സമൂഹത്തിന് ഒരു സന്ദേശമാകണമെന്നും പ്രോസിക്യൂഷന് പറഞ്ഞു. ബോബി ചെമ്മണ്ണൂര് പല പൊതുവേദികളിലും ലൈംഗിക ചുവയുള്ള പരാമര്ശങ്ങള് ആവര്ത്തിക്കുന്നതായി പ്രോസിക്യൂഷന് ചൂണ്ടിക്കാട്ടി.
