വീണ്ടും റെയിൽവേ ആട്ടിമറി, ട്രാക്കിൽ സ്‌ഫോടകവസ്തുക്കള്‍, ഇരുമ്പുദണ്ഡുകൾ, ഗ്യാസ് സിലിണ്ടർ. ബതിൻഡയിൽ നിന്ന് ഡൽഹിയിലേക്ക് പോകുന്ന ഗുഡ്‌സ് ട്രെയിൻ അട്ടിമറിക്കാൻ ശ്രമിച്ചു, സെപ്റ്റംബര്‍ 18-ന് സൈനികര്‍ യാത്ര ചെയ്തിരുന്ന പ്രത്യേക ട്രെയിന്‍ സ്‌ഫോടനം നടത്തി തകർക്കാൻ ശ്രമം നടന്നു.
സെപ്റ്റംബർ മാസത്തിൽ നിരവധി തവണയാണ് ട്രാക്കുകളിൽ ഇരുമ്പ് കമ്പികൾ,സിലിണ്ടർ ഉൾപ്പെടെയുള്ളവ വെച്ച് ട്രെയിൻ സർവീസ് അട്ടിമറിക്കാൻ ശ്രമം നടന്നത്. ഈ ശ്രമങ്ങൾക്ക് പിന്നിലാര് എന്നത് ഇപ്പോഴും അജ്ഞാതമായി തുടരുകയാണ്. മധ്യപ്രദേശില്‍, തീവണ്ടി സഞ്ചരിച്ചിരുന്ന പാതയില്‍ സ്‌ഫോടകവസ്തുക്കള്‍ കണ്ടെത്തിയ സംഭവത്തിൽ റെയില്‍വേ ജീവനക്കാരൻ അറസ്റ്റിലായി.
കഴിഞ്ഞമാസം രാജസ്ഥാനിലെ ജയ്പൂരിൽ ട്രെയിൻ അട്ടിമറിക്കാൻ ശ്രമം നടത്തിയത് സിമന്റ് കട്ടകൾ പാളത്തിൽ നിരത്തിയായിരുന്നു. കാൺപൂരിലെ റെയിൽവേ ട്രാക്കിൽ ഗ്യാസ് സിലിണ്ടർ സ്ഥാപിച്ചാണ് പാളം തെറ്റിക്കാൻ ശ്രമിച്ചത്.
