പാലക്കാട്ടെ റെയ്ഡിൽ പ്രതിഷേധവുമായി യുഡിഎഫ്. പാലക്കാട് എസ്‌പി ഓഫീസിലേക്കുള്ള മാർച്ചിൽ സംഘർഷം ഉണ്ടായി. പാലക്കാട് അര്‍ധരാത്രിയിൽ കോണ്‍ഗ്രസ് വനിതാ നേതാക്കള്‍ ഉള്‍പ്പെടെ താമസിച്ചിരുന്ന ഹോട്ടൽ മുറിയിൽ പൊലീസ് റെയ്ഡ് നടത്തിയതിൽ കടുത്ത പ്രതിഷേധമാണ് യുഡിഎഫ് പ്രവർത്തകർ നടത്തിയത്.
കോണ്‍ഗ്രസ് പ്രവര്‍ത്തകരും മറ്റു യുഡിഎഫ് പ്രവര്‍ത്തകരുമടക്കം നൂറുകണക്കിനുപേർ എസ്‌പി ഓഫീസിലേക്കു മാർച്ച് നടത്തി. പ്രവര്‍ത്തകര്‍ ബാരിക്കേഡ് മറികടക്കാൻ ശ്രമിച്ചതോടെയാണ് സംഘര്‍ഷാവസ്ഥയുണ്ടായത്. പൊലീസും പ്രവര്‍ത്തകരും തമ്മില്‍ ഉന്തും തള്ളുമുണ്ടായി.
രാവിലെ 11.30ഓടെയാണ് മാര്ച്ച് ആരംഭിച്ചത്. പൊലീസിനെതിരെ കടുത്ത പ്രതിഷേധമാണ് യുഡിഎഫ് മാര്‍ച്ചിലൂടെ ഉയര്‍ത്തിയത്. മാര്ച്ച് കെപിപിസി പ്രസിഡന്‍റ് കെ സുധാകരൻ എംപി ഉദ്ഘാടനം ചെയ്തു.
