നരേന്ദ്ര മോദി യുക്രൈനും , പോളണ്ടും സന്ദർശിക്കാൻ പുറപ്പെട്ടു;ഒരു ഇന്ത്യൻ പ്രധാന മന്ത്രിയുടെ സന്ദർശനം ഇതാദ്യം 

പ്രധാന മന്ത്രി നരേന്ദ്ര മോദി യുക്രൈനും , പോളണ്ടും സന്ദർശിക്കാൻ പുറപ്പെട്ടു; മൊറാർജി ദേശായിക്ക് ശേഷം  45  വർഷത്തിനകം  ആദ്യമായാണ് ഒരു ഇന്ത്യൻ പ്രധാന മന്ത്രി പോളണ്ട്  സന്ദർശനം നടത്തുന്നത്, ഇരുരാജ്യങ്ങളും തമ്മിൽ നയതന്ത്രബന്ധം സ്ഥാപിച്ചതിന്റെ 70ാം വാർഷിക ആഘോഷങ്ങളിൽ നരേന്ദ്ര മോദി  ഭാഗമാകും,

പോളണ്ട് പ്രസിഡന്റ് ആൻദ്രെജ് ദുഡെയുമായും പ്രധാനമന്ത്രി ഡോണൾഡ് ടസ്‌കുമായും നരേന്ദ്രമോദി ഉഭയകക്ഷി ചർച്ചകൾ നടത്തും. പോളണ്ടിലെ ഇന്ത്യൻ സമൂഹത്തെ അദ്ദേഹം അതിസംബോധന ചെയ്‌യും. രാജ്യതലസ്ഥാനമായ വാർസോയിൽ ആണ് പ്രധാനമന്ത്രിക്ക് സ്വീകരണം ഒരുക്കിയിട്ടുള്ളത്.

യുക്രൈൻ പ്രസിഡന്റ് വൊളോഡിമിർ സെലൻസ്‌കിയുടെ ക്ഷണം സ്വീകരിച്ച് പ്രധാനമന്ത്രി തുടർന്ന് യുക്രൈനിലും എത്തും. ഇരുരാജ്യങ്ങളും തമ്മിലുള്ള നയതന്ത്രബന്ധം സ്ഥാപിച്ച് 30 വർഷത്തിനിടെ ഇത് ആദ്യമായാണ് ഒരു ഇന്ത്യൻ പ്രധാനമന്ത്രി യുക്രൈൻ സന്ദർശിക്കുന്നത്.