എം ആര് അജിത്കുമാറിനെ ഡിജിപി റാങ്കിലേക്ക് സ്ഥാനക്കയറ്റം നൽകിയത് മാനദണ്ഡങ്ങൾ പരിശോധിച്ച് മന്ത്രി പി രാജീവ്. ജൂലൈ 1ന് ഒഴിവ് വരുന്ന മുറക്ക് ഡിജിപിയായി സ്ഥാനക്കയറ്റം ലഭിക്കും.
പ്രത്യേക വിവേചനമോ പ്രത്യേക മമതയോ ആരോടും സർക്കാർ കാണിക്കില്ല, നിയമാനുസൃതമായിട്ടായിരിക്കും ഓരോ കാര്യങ്ങളും ചെയ്യുന്നതെന്നും മന്ത്രി പി രാജീവ് പറഞ്ഞു. എം ആര് അജിത്കുമാറിനെ ഡിജിപി റാങ്കിലേക്ക് സ്ഥാനക്കയറ്റം നൽകിയത് മാനദണ്ഡങ്ങൾ പരിശോധിച്ച് മാത്രമാണെന്ന് മന്ത്രി പി രാജീവ് പറഞ്ഞു.
തൃശൂര് പൂരം കലക്കല്, ആര്എസ്എസ് നേതാക്കളുമായുള്ള കൂടിക്കാഴ്ച, അനധികൃത സ്വത്ത് സമ്പാദനം എന്നീ വിഷയങ്ങളില് നിലവില് അജിത്കുമാര് അന്വേഷണം നേരിടുന്നതിനിടെയാണ് എഡിജിപി എം ആര് അജിത് കുമാറിന് ഡിജിപിയായി സ്ഥാനക്കയറ്റം നല്കാന് സര്ക്കാര് തീരുമാനം.
ചീഫ് സെക്രട്ടറിയുടെ അധ്യക്ഷതയിലുള്ള സ്ക്രീനിങ് കമ്മിറ്റിയുടെ ശുപാര്ശയാണ് മന്ത്രിസഭാ യോഗം അംഗീകരിച്ചത്. ഇപ്പോഴത്തെ പൊലീസ് മേധാവി എസ്.ദര്വേഷ് സാഹിബ് 2025 ജൂലൈ 1ന് സര്വീസില്നിന്ന് വിരമിക്കുന്ന ഒഴിവിലേക്കാണ് അജിത്കുമാറിന് സ്ഥാനക്കയറ്റം നല്കുക.
