കേരളീയ സമൂഹത്തിന് സംഭവിച്ച അപചയ ദൃഷ്ടാന്തമാണ് രണ്ടു ഉന്നതരായ രാഷ്ട്രീയ നേതാക്കൾ (കെ കെ സുധാകരൻ , രാജ്‌മോഹൻ ഉണ്ണിത്താൻ) കൂടോത്രത്തെ ഭയക്കുകയും, വിശ്വസിക്കുകയും ചെയ്യുന്നതെന്ന്‌ സി പി ഐ എം നേതാവ് കെ കെ ഷൈലജ. മുൻപ് ഇന്ത്യയുടെ പ്രധാന മന്ത്രി ജവഹർലാൽ നെഹ്‌റു ഇത്തരം അന്ധവിശ്വാസങ്ങളിൽ നിന്നും ഇന്ത്യയെ മുക്തമാക്കാൻ ഇന്ത്യൻ ജനതയെ ശാസ്ത്രബോധം വളർത്തണമെന്നും ഉന്നയിച്ചിരുന്നു.
സി പി ഐ എം നേതാവ് ഷൈലജ തന്റെ ഫേസ്ബുക്ക് പേജിലാണ് ഈ രീതിയിലൊരു പോസ്റ്റ് ചെയ്യ്തിരിക്കുന്നത്. ശ്രീ നാരായണ ഗുരുദേവനടക്കമുള്ള സാമൂഹ്യ പരിഷ്കർത്താക്കളും ഇടതുപക്ഷ ചിന്തകരും ഈ സമൂഹത്തിൽ നവോത്ഥാന ആശയങ്ങൾ സന്നിവേശിപ്പിക്കാൻ നടത്തിയ ശ്രമങ്ങൾ സമൂഹത്തെ ഒട്ടേറെ മുന്നോട്ട് നയിക്കാൻ കാരണമായിട്ടുണ്ട് ഷൈലജ ടീച്ചർ പറയുന്നു
ഇത്തരം പ്രവണതകൾ നമ്മളുടെ ഈ സമൂഹത്തെ പിന്നോട്ട് നയിക്കാൻ കാരണമാകുന്നു. ഇത്തരം പ്രവണതകൾക്കെതിരെ ജനങ്ങൾ മുന്നോട്ട് തന്നെ വരുക വേണം. ഇത്തരം അന്ധ വിശ്വാസത്തിന്റെ മറ്റൊരു പതിപ്പാണ് യു.പി യിലെ ഹത്റസിൽ ആൾദൈവത്തിൻറെ കാൽക്കീഴിലെ മണ്ണ് തേടി ലജ്ജാകരമാംവിധം മരണത്തിലേക്ക് കുതിച്ച മനുഷ്യരുടെ കഥയെന്നും ഷൈലജ പറയുന്നു
