ഇറാന്റെ ആക്രമണങ്ങൾക്കുള്ള മറുപടിയായി തിരിച്ചടിച്ച് ഇസ്രായേൽ. ഇറാന് തലസ്ഥാനമായ ടെഹ്റാനില് ഉഗ്രസ്ഫോടനമാണ് ഇസ്രയേല് നടത്തിയത്. ഇറാന്റെ സൈനിക കേന്ദ്രങ്ങള് ലക്ഷ്യമിട്ടാണ് ആക്രമണം.
ഇസ്രയേല് ആക്രമണം നടത്തിയതായി ടെഹ്റാനും സ്ഥിരീകരിക്കുന്നുണ്ട്. ഇറാന് നിരന്തരം തുടരുന്ന ആക്രമണങ്ങള്ക്ക് തങ്ങള് തിരിച്ചടി നല്കുകയാണെന്ന് ഇസ്രയേല് പ്രതികരിച്ചു. തിരിച്ചടി നേരിടാൻ തയ്യാറെന്ന് ഇസ്രയേൽ വ്യക്തമാക്കുന്നു.
നേരത്തേ ഒക്ടോബര് ഒന്നിന് ഇറാന് ഇസ്രായേലിനുനേരെ 180-ലധികം മിസൈലുകള് തൊടുത്തുവിട്ടിരുന്നു. ഇതിനുള്ള മറുപടിയെന്നോണമാണ് ഇസ്രയേലിന്റെ നീക്കം. പശ്ചിമേഷ്യയില് സംഘര്ഷങ്ങള് പരിഹരിക്കുന്നതിനായി നയതന്ത്ര ചര്ച്ചകള്ക്കായി യു എസ് സ്റ്റേറ്റ് സെക്രട്ടറി ആന്റണി ബ്ലിങ്കെന് മിഡില് ഈസ്റ്റ് സന്ദര്ശനം നടത്തിയതിന് പിന്നാലെയാണ് ഇസ്രയേല് ആക്രമണം നടത്തിയിരിക്കുന്നത്.
