അനാവശ്യമായി രോഗികളെ മെഡിക്കല് കോളജുകളിലേക്ക് റഫര് ചെയ്യരുതെന്ന് ആരോഗ്യവകുപ്പിന്റെ നിർദ്ദേശം. രോഗികളുടെ ഗുരുതരാവസ്ഥ വിലയിരുത്തി മാത്രമേ മെഡിക്കല് കോളജ് ആശുപത്രികളിലേക്ക് റഫര് ചെയ്യാന് പാടുള്ളൂ. മെഡിക്കല് കോളജുകളിലെ തിരക്ക് കുറയ്ക്കുക എന്ന ലക്ഷ്യത്തോടെയാണ് പുതിയ നിര്ദേശം.
പ്രാഥമിക ആരോഗ്യ കേന്ദ്രം മുതല് ജില്ലാ ആശുപത്രികളില് വരെ വരുന്ന രോഗികളെ അവിടെത്തന്നെ പരമാവധി ചികിത്സിക്കണം. മതിയായ സൗകര്യമോ ഡോക്ടര്മാരോ ഇല്ലെങ്കില് മാത്രമേ മെഡിക്കല് കോളജ് ആശുപത്രികളിലേക്ക് റഫര് ചെയ്യാന് പാടൂള്ളൂവെന്നും നിര്ദേശത്തില് പറയുന്നു.
