News

ലോക്കപ്പ് പൂട്ടാൻ മറന്നു; പോക്സോ കേസ് പ്രതി ചാടിപ്പോയി

കൊച്ചി: പതിനഞ്ച് വയസുകാരിയെ പീഡിപ്പിച്ച കേസിൽ കസ്റ്റഡിയിൽ എടുത്ത പോക്സോ കേസ് പ്രതി ആലുവ പോലീസ് സ്റ്റേഷനിൽനിന്ന് ചാടിപ്പോയി. അങ്കമാലി സ്വദേശി ഐസക് ബെന്നി(22)യാണ് പോലീസ് കസ്റ്റഡിയിൽനിന്നു ചാടിപ്പോയത്.

ഇയാളെ വെള്ളിയാഴ്ച വൈകുന്നേരത്തോടെയാണ് പോലീസ് പിടികൂടിയത്. ഐസകിൻറെ അറസ്റ്റ് രേഖപ്പെടുത്തിയതിന് ശേഷം റിമാൻഡ് ആവശ്യപ്പെട്ട് കോടതിയിൽ ഹാജരാക്കുന്നതിനായി ലോക്കപ്പിൽ സൂക്ഷിക്കുകയായിരുന്നു.

എന്നാൽ ലോക്കപ്പ് പൂട്ടാൻ മറന്നുപോയതോടെ ലോക്കപ്പിന് അകത്തുനിന്നു കൈയിട്ട് തുറന്ന് പ്രതി ചാടിപ്പോയതാകാമെന്നാണ് പ്രാഥമിക നി​ഗമനം. വെള്ളിയാഴ്ച രാത്രി 12 മണിയോടെയാണ് സംഭവം. പ്രതിക്കായി അന്വേഷണം വ്യാപിച്ചിരിക്കുകയാണ്.

Most Popular

To Top