ലോക ചെസ് ചാംപ്യൻഷിപ്പിൽ ചൈനീസ് താരം ഡിങ് ലിറനെ തോൽപിച്ച് ഇന്ത്യയുടെ യശസ് വാനോളം ഉയർത്തിയിരിക്കുകയാണ് ഡി. ഗുകേഷ് . പ്രധാനമന്ത്രി അടക്കമുള്ളവർ ഗുകേഷിനെ അഭിനന്ദിച്ച് രംഗത്തെത്തുകയും ചെയ്തു. എന്നാൽ ഇപ്പോൾ ചെസ്സ് പാപികള് മാത്രം കളിക്കുന്ന കളിക്കുന്നതാണെന്നും , അള്ളാഹുവിന്റെ കോപം നേരിടേണ്ടി വരുമെന്നുമുള്ള സര്ക്കാര് ഡോക്ടറുടെ ഫേസ്ബുക്ക് കുറിപ്പ് വിമർശനത്തിനിടയാക്കുകയാണ്. കട്ടപ്പന താലൂക്ക് ആശുപത്രിയിലെ മെഡിക്കല് ഓഫീസര് ജാഹര് ഷാഹൂലാണ് ചെസിനെതിരെ രംഗത്തെത്തിയത്. ചെസ്സ് കളിക്കുന്നത് തീര്ത്തും നിഷിദ്ധമാണെന്നും അത് ചൂതാട്ടത്തിന് സമമാണ് എന്നും ഹറാം ആയിട്ടാണ് കാണുന്നത് എന്നും ഒക്കെ വിവിധ ഇസ്ളാം പണ്ഡിതരെ ഉദ്ധരിച്ച് ഡോ. ജാഹര് എഴുതുന്നു. ഗുകേഷിന്റെ ചിത്രം വികൃതമായി കുറിപ്പിനൊപ്പം നല്കിയിച്ചുമുണ്ട്.
ഫേസ്ബുക്ക് കുറിപ്പിന്റെ പൂർണരൂപം
ഇല്ല എന്നതാണ് ഉത്തരം. പകരം അള്ളാഹുവിന്റെ കോപം നേരിടേണ്ടി വരികയും ചെയ്യും. ഇസ്ലാം വളരെയധികം വിമര്ശനാത്മക രീതിയിലാണ് ചെസ്സിനെ നോക്കി കാണുന്നത്. ഒരിക്കല് ഖലീഫ അലി (റ) ചെസ്സ് കളിക്കുന്ന ചിലരെ കണ്ടപ്പോള് അവരോട് അതിനെ പറ്റി ചോദിച്ചു. ശേഷം കളിക്കാന് ഉപയോഗിക്കുന്ന കരുക്കളെ വിഗ്രഹങ്ങളോട് താരതമ്യം ചെയ്യുകയും ചെയ്തു. ചെസ്സിനെ പറ്റി അലി പറഞ്ഞതാണ് ഏറ്റവും പ്രബലമായ അഭിപ്രായം എന്നാണ് ഇമാം അഹ്മദ് പറയുന്നത്.
സ്വഹാബിയായ അബ്ദുള്ള ഇബ്ൻ ഉമർ (റ) പറഞ്ഞത് ചൂതാട്ടത്തെക്കാൾ മോശമായ ഒന്നാണ് ചെസ്സ് കളി.
മറ്റൊരു സ്വഹാബിയായ അബു മൂസ അൽ-അഷ്’അരി ചെസ്സിനെ പറ്റി പറഞ്ഞത് ഇപ്രകരമാണ്: പാപികൾ മാത്രം കളിക്കുന്ന കളിയാണ് ചെസ്സ്.
ചൂതാട്ടം ഹറാമാണ് എന്നതിൽ സംശയമില്ല.
അത് കളിക്കുന്നവർ അള്ളാഹുവിനെയും അദ്ദേഹത്തിന്റെ റസൂലിനെയും ധിക്കരിച്ചിരിക്കിന്നു എന്നും അത് കളിക്കുന്നവൻ അള്ളാഹു നിഷിദ്ധമാക്കിയ പന്നി ഇറച്ചി കഴിച്ചവനെ പോലെയാണെന്നും എന്നൊക്കെയുള്ള സ്വഹീഹായ ഹദീസുകൾ ഉള്ളപ്പോൾ അതിലും വൃത്തികെട്ട കളിയായ ചെസ്സിനെ പ്പറ്റി പ്രത്യേകം പറയേണ്ടതുണ്ടോ?
മദ്ഹബിന്റെ പണ്ഡിതന്മാരായ ഇമാം അബു ഹനീഫ, ഇമാം മാലിക്ക്, ഇമാം അഹ്മദ് എന്നിവരെല്ലാം ചെസ്സിനെ ഹറാം ആയിട്ടാണ് കാണുന്നത്.
ഇമാം ഇബ്ൻ ഖുധാമ മുഘ്നിയിലും, ഇമാം ഇബ്ൻ ഖയ്യിം അൽ ഫുരൂസിയയിലും ഇമാം അദ്ദഹാബി അൽ-കബൈറിലും ചെസ്സിനെ ഹറാമായിട്ടാണ് കാണുന്നത്.
സാമ്പത്തിക നേട്ടത്തിന് വേണ്ടി ചെസ്സ് കളിക്കുന്നത് തീർത്തും നിഷിദ്ധമാണെന്നും അത് ചൂതാട്ടത്തിന് സമമാണ് എന്നാണ് ഇമാം ഇബ്ൻ അബ്ദുൽ ബർ പറയുന്നത്.
ചെസിനെതിരെ ഇസ്ലാമിൽ ഇനിയുമൊരുപാട് തെളിവുകളുണ്ട്.
ലോകം ഇത്രയും അധഃപതിച്ചല്ലോ!
നഊസൂ ബില്ല! അള്ളാഹു എല്ലാവരെയും രക്ഷിക്കുമാറാകട്ടെ!
