സംസ്ഥാനത്ത് നാളെ ഡോക്ടറുമാർ പണിമുടക്കിൽ, കൊൽക്കത്തയിലെ ആർ. ജി കർ മെഡിക്കൽ കോളേജിലെ യുവവനിതാ ഡോക്ടർ അതിക്രൂരമായി കൊലചെയ്യപ്പെട്ട സംഭവത്തിൽ പ്രതിഷേധിച്ച് ആണ് നാളെ ഡോക്ടറുമാർ സമരത്തിൽ. ശനിയാഴ്ച രാവിലെ ആറ് മണി മുതൽ ഞായറാഴ്ച രാവിലെ ആറ് മണിവരെയാണ് പണിമുടക്ക്. സര്ക്കാര് സ്വകാര്യ ആശുപത്രികളിൽ ഒപി ഡോക്ടര്മാരും ഒ.പി ബഹിഷ്കരിക്കുമെന്ന് ഇന്ത്യൻ മെഡിക്കൽ അസോസിയേഷൻ സംസ്ഥാന ഭാരവാഹികൾ അറിയിച്ചു.കൂടാതെ റീജണൽ ക്യാൻസർ സെന്ററിലെ ഡോക്ടറുമാരും ഈ സമരത്തിൽ പങ്കെടുക്കുന്നുണ്ട്.
എന്നാൽ അത്യാഹിത വിഭാഗങ്ങൾ പ്രവര്ത്തിക്കും. ഇന്ത്യൻ മെഡിക്കൽ രാജ്യ വ്യാപകമായി ആഹ്വാനം ചെയ്ത ഈ പ്രതിഷേധ സമരത്തിൽ കെജിഎംസിടിഎയും പങ്കെടുക്കുമെന്ന് ഭാരവാഹികൾ അറിയിച്ചു. അവശ്യ സർവ്വീസുകൾ ഒഴികെ ഒ.പി ഉൾപ്പെടെയുള്ള മറ്റ് ദൈനം ദിന പ്രവർത്തനങ്ങളിൽ നിന്നും ഡോക്ടർമാർ വിട്ടു നിൽക്കുമെന്നും, ഈ സാഹചര്യത്തിൽ പൊതുജനങ്ങൾ സഹകരിക്കണമെന്നും കെജിഎംസിടിഎ അഭ്യർത്ഥിച്ചു. എന്നാൽ വയനാട് ജില്ലയെ ഇതിൽ നിന്നും ഒഴിവാക്കിയിട്ടുണ്ട്
