തിരുവനന്തപുരത്ത് രണ്ടര വയസ്സുകാരി ശിശുക്ഷേമ സമിതിയില് കൂര പീഡനത്തിനിരയായ സംഭവത്തില് വകുപ്പ് തല അന്വേഷണം പ്രഖ്യാപിച്ച് ആരോഗ്യ വനിത ശിശുവികസന വകുപ്പ് മന്ത്രി വീണാ ജോർജ്. ശിശുക്ഷേമ സമിതിയിലെ മുഴുവൻ ആയമാരുടേയും പ്രവർത്തനവും സേവന അഭിരുചിയും വിലയിരുത്തുമെന്ന് മന്ത്രി വീണാ ജോർജ് പറഞ്ഞു.
പല ഘട്ടങ്ങളിൽ ജോലിക്ക് കയറിയവരാണിവർ. നിലവില് കരാര് അടിസ്ഥാനത്തില് ജോലി ചെയ്യുന്ന എല്ലാ ആയമാര്ക്കും കൗണ്സിലിങ് നല്കാനാണ് ശിശുക്ഷേമ സമിതിയുടെ പുതിയ തീരുമാനം. സൈക്കോ സോഷ്യൽ അനാലിസിസ് നടത്തിയായിരിക്കും അവരെ നിലനിർത്തുക. ശിശുക്ഷേമ സമിതിയിൽ പുതിയ തൊഴിലാളികളെ ജോലിക്ക് എടുക്കുമ്പോള് അവരുടെ കുടുംബ പശ്ചാത്തലം കൂടെ പരിശോധിക്കാനും നിര്ദ്ദേശമുണ്ട്. സാധാരണ ഒരു ജോലിയല്ലിത്. മാതൃമനസോടെ കുഞ്ഞുങ്ങളെ നോക്കാൻ കഴിയുന്നവർക്കായിരിക്കും മുൻഗണന. പുതിയ നിയമനങ്ങളിലെല്ലാം ഈ തരത്തിലായിരിക്കും. കുട്ടികൾക്ക് നേരെയുള്ള അതിക്രമം ഗൗരവത്തോടെയാണ് കാണുന്നത്. വനിത ശിശുവികസന വകുപ്പ് പ്രിൻസിപ്പൽ സെക്രട്ടറി സംഭവത്തെപ്പറ്റി വിശദമായി അന്വേഷിച്ച് വരികയാണ്. അതിക്രമം ഒരു കാരണവശാലും അംഗീകരിക്കില്ല. കുറ്റക്കാർക്കെതിരെ കർശന നടപടി സ്വീകരിക്കുമെന്നും മന്ത്രി വ്യക്തമാക്കി.
