യു പ്രതിഭയുടെ മകനെതിരായ കഞ്ചാവ് കേസിൽ പ്രതികരിച്ച് മന്ത്രി സജി ചെറിയാൻ. എഫ്ഐആർ താൻ വായിച്ചതാണെന്നും അതിൽ മോശപ്പെട്ടത് ഒന്നുമില്ലെന്നും മന്ത്രി പറഞ്ഞു. കുട്ടികൾ കൂട്ടംകൂടി പുക വലിച്ചെന്ന് എഫ്ഐആറിൽ ഇട്ടിരിക്കുന്നത്. പുകവലിക്കുന്നത് മഹാ അപരാധമാണോ, പുകവലിച്ചു അല്ലാതെ മോശപ്പെട്ട കാര്യം ചെയ്തെന്ന് എഫ്ഐആറിൽ പറഞ്ഞിട്ടില്ലന്ന് മന്ത്രി സജി ചെറിയാൻ.
അവർ കുഞ്ഞുങ്ങളല്ലേ, കൂട്ടംകൂടിയിരുന്നു വർത്തമാനം പറയും കമ്പനിയടിക്കും ചിലപ്പോൾ പുക വലിക്കും. അതിനെന്താണ്? വലിച്ചത് ശരിയാണെന്നല്ല. ചെയ്തെങ്കിൽ തെറ്റാണ്. പ്രതിഭയുടെ മകൻ ഇങ്ങനെ ഒരു കാര്യത്തിൽ കൂട്ടുകൂടി. അതിന് പ്രതിഭ എന്ത് വേണം. അവർ ഒരു സ്ത്രീയല്ലേ? ആ പരിഗണന കൊടുക്കണ്ടേ? അവരുടെ കുട്ടിയെപ്പറ്റി അനാവശ്യം പറയുമ്പോൾ അവർ അതിന് പ്രതികരണം നടത്തിക്കാണും. അവര് ഒരു അമ്മയല്ലേ? സ്വഭാവികമായി പറയും’ മന്ത്രി പറഞ്ഞു.
