സൈബര് അധിക്ഷേപത്തിനെതിരെ നടി മാല പാര്വതി നല്കിയ പരാതിയില് കേസ്. ‘ഫിലിമി ന്യൂസ് ആന്റ് ഗോസിപ്സ്’ എന്ന യൂട്യൂബ് ചാനലിനെതിരെയാണ് കേസെടുത്തത്. തിരുവനന്തപുരം സിറ്റി സൈബര് പൊലീസാണ് കേസെടുത്തത്.
യൂട്യൂബ് ചാനല് വ്യാജ അശ്ലീല ചിത്രം പ്രചരിപ്പിച്ചെന്നാണ് പരാതി. സോഷ്യൽ മീഡിയയിലെ തന്റെ വീഡിയോയ്ക്ക് താഴെ അശ്ലീല കമന്റിട്ടവര്ക്കെതിരെയും പരാതി നല്കിയിരുന്നു. അതിലും പൊലീസ് കേസെടുത്തിട്ടുണ്ട്. സിനിമയില് നിന്നുള്ള ദൃശ്യങ്ങള് എഡിറ്റ് ചെയ്ത് മോശമായ രീതിയില് ചില യുട്യൂബര്മാര് പ്രചരിപ്പിച്ചുവെന്നാണ് പരാതിയില് പറയുന്നത്. ഈ വീഡിയോകളുടെ ലിങ്കും പരാതിയുടെ കൂടെ നല്കിയിട്ടുണ്ട്. സംഭവത്തില് സൈബര് പോലീസ് അന്വേഷണം ആരംഭിച്ചിട്ടുണ്ട്.
