Film news

തിയറ്റർ ഭരിക്കാൻ ഒരു വർഷത്തെ ഇടവേളയ്ക്കു ശേഷം വീണ്ടും മോഹൻലാൽ സിനിമകൾ തിരിച്ചുവരുന്നു

തിയറ്റർ ഭരിക്കാൻ ഒരു വർഷത്തെ ഇടവേളയ്ക്കു ശേഷം വീണ്ടും മോഹൻലാൽ സിനിമകൾ തിരിച്ചുവരുന്നു . കഴിഞ്ഞ ജനുവരിയിലായിരുന്നു  മലൈക്കോട്ടൈ വാലിബൻ തിയറ്റർ  എത്തിയത് . എന്നാലിതാ, ലാലേട്ടൻ ഫാൻസിന്‍റെ കാത്തിരിപ്പ് അവസാനിക്കാൻ ഇനി ആഴ്ചകൾ മാത്രം.  മൂന്നു വമ്പൻ സിനിമകളാണ് മോഹൽലാലിന്‍റേതായി റിലീസിനൊരുങ്ങുന്നത്.

സൂപ്പർ താരത്തിന്‍റെ ആദ്യ സംവിധാന സംരംഭമായ ബറോസ് ആണ് ഇതിൽ ആദ്യത്തേത്. ഡിസംബർ മൂന്നാം വാരം ക്രിസ്മസ് റിലീസായി തിയെറ്ററുകളിൽ എത്തിക്കാനാണ് ഉദ്ദേശിക്കുന്നത്. തൊട്ടടുത്ത മാസം, മോഹൻലാലിന്‍റെ പുതുവർഷ സിനിമ എത്തും. തരുൺ മൂർത്തി സംവിധാനം ചെയ്യുന്ന ചിത്രത്തിനു പേരിട്ടിട്ടില്ല. എൽ 360 എന്നാണ് ഇപ്പോൾ ഇത് അറിയപ്പെടുന്നത്.

മോഹൻലാലിന്‍റെ നായികയായി ശോഭന എത്തുന്നു എന്നതാണ് നൊസ്റ്റാൾജിക് സിനിമാപ്രേമികൾക്ക് ഇതിലുള്ള ഏറ്റവും വലിയ ആകർഷണം. തമിഴ് സംവിധായകൻ ഭാരതിരാജ മലയാളത്തിൽ നടനായി അരങ്ങേറ്റം കുറിക്കുന്ന ചിത്രത്തിൽ ഫർഹാൻ ഫാസിൽ അടക്കമുള്ള വലിയ താരനിരയുമുണ്ട്.

സമീപകാലത്ത് മോഹൻലാലിന്‍റെ ഏറ്റവും വലിയ മാസ് അവതാരം കണ്ട ലൂസിഫറിന്‍റെ രണ്ടാം ഭാഗമാണ് ഇതിനു പിന്നാലെ വരാനുള്ളത്. പൃ‌ഥ്വിരാജ് സുകുമാരൻ സംവിധാനം ചെയ്യുന്ന ചിത്രത്തിന് എമ്പുരാൻ എന്നു നേരത്തെ തന്നെ പേരിട്ടിരുന്നു. ‘എൽ2: എമ്പുരാൻ’ എന്നാണ് ചിത്രത്തിന്‍റെ മുഴുവൻ പേര്. L2E എന്ന് അണിയറ പ്രവർത്തകരും ആരാധകരും വിശേഷിപ്പിക്കുന്നു. ലൂസിഫറിലെ പ്രധാന താരങ്ങളെല്ലാം എമ്പുരാനിലും ഉണ്ടാകും.

Most Popular

To Top