ഹേമ കമ്മറ്റി റിപ്പോർട്ട് പുറത്തു വന്നിട്ടും ഇതുവരെയും ‘അമ്മ സംഘടന റിപ്പോർട്ടിന് കുറിച്ച് ഒന്നും പറഞ്ഞിട്ടില്ല, ഇപ്പോൾ സമ്മർദ്ദങ്ങൾക്ക് ഒടുവിൽ ഹേമ കമ്മറ്റി റിപ്പോർട്ടിൽ മൗനം വെടിഞ്ഞു താര സംഘടനയായ ‘അമ്മ രംഗത്തു എത്തിയിരിക്കുകയാണ്. അമ്മയുടെ ജനറൽ സെക്രട്ടറി സിദ്ധിഖ് വാര്ത്താസമ്മേളനത്തില് പ്രതികരിച്ചു. അമ്മ എങ്ങും ഒളിച്ചോടി പോയിട്ടില്ല, ഞങ്ങൾ എന്നും ഹേമ കമ്മറ്റിക്കൊപ്പമെന്നും സിദ്ധിഖ് പറഞ്ഞു.
തെറ്റ് ചെയ്തവർക്കെതിരെ പൊലീസ് കേസെടുത്ത് അന്വേഷിക്കണെന്നും ഒറ്റപ്പെട്ട ഒന്നോ രണ്ടോ സംഭവങ്ങളുടെ പേരിൽ സിനിമ മേഖലയെ ആകെ കുറ്റപ്പെടുത്തരുതെന്നും സിദ്ദിഖ് കൂട്ടിച്ചേര്ത്തു. ഹേമ കമ്മിറ്റിയുടെ നിര്ദ്ദേശങ്ങള് സ്വാഗതം ചെയ്യുന്നു. രണ്ട് വർഷം മുമ്പ് റിപ്പോർട്ടിലെ നിര്ദേശങ്ങള് ചർച്ച ചെയ്യാൻ മന്ത്രി സജി ചെറിയാൻ വിളിച്ചിരുന്നു. താനും ഇടവേള ബാബുവുമാണ് ചർച്ചയിൽ അന്ന് പങ്കെടുത്തതെന്നും ഞങ്ങളുടെ നിർദ്ദേശങ്ങൾ അദ്ദേഹത്തോട് പറഞ്ഞു.
ഹേമ കമ്മിറ്റി റിപ്പോർട്ട് അമ്മയ്ക്കെതിരായ റിപ്പോർട്ടല്ല, ഞങ്ങൾ ഹേമ കമ്മിറ്റിക്കൊപ്പമാണ് മാധ്യമങ്ങൾ ഞങ്ങളെ പ്രതിക്കൂട്ടിൽ നിർത്തുന്നതിൽ വിഷമം ഉണ്ട്. തെറ്റ് ചെയ്തവർക്കെതിരെ പൊലീസ് കേസെടുത്ത് അന്വേഷിക്കണം. ഒറ്റപ്പെട്ട ഒന്നോ രണ്ടോ സംഭവങ്ങളുടെ പേരിൽ സിനിമ മേഖലയെ ആകെ കുറ്റപ്പെടുത്തരുത്. സിനിമയില് പവർ ഗ്രൂപ്പ് ഉണ്ടോ എന്ന്അറിയില്ല. എൻ്റെ ജീവിതത്തിൽ അത്തരമൊരു പവർ ഗ്രൂപ്പിനെ പറ്റി അറിയില്ല. രണ്ട് കൊല്ലം മുമ്പ് രണ്ട് സംഘടനയിലെ അംഗങ്ങളെ ചേർത്ത് ഒരു ഹൈ പവർ കമ്മിറ്റി രൂപീകരിച്ചിരുന്നു. അല്ലാതെ ഒരു പവർ ഗ്രൂപ്പും മാഫിയവും സിനിമ മേഖലയില് ഇല്ലെന്ന് സിദ്ധിഖ് പറഞ്ഞു
