പ്രധാന മന്ത്രി നരേന്ദ്ര മോദിക്ക് പിൻഗാമിയെ കണ്ടെത്തിയിരിക്കുന്നു, ഇന്ത്യ ടു ഡേ സർവേയുടെ ഫലം , അദ്ദേഹത്തിന്റെ പിന്ഗാമി ആരെന്ന ചോദ്യം നേരത്തെ തന്നെ ബിജെപിയ്ക്കുള്ളിലും പുറത്തും ചര്ച്ചയായിരുന്നു. ഇപ്പോൾ ഇതിന് പിന്നാലെയാണ് ഈ വിഷയത്തില് സര്വേ ഫലവുമായി ഇന്ത്യ ടു ഡേ എത്തുന്നത്. അമിത്ഷാ, യോഗി ആദിത്യനാഥ്, നിതിന് ഗഡ്കരി, രാജ്നാഥ് സിംഗ് തുടങ്ങിയ പേരുകളായിരുന്നു വിവിധ ഭാഗങ്ങളില് നിന്ന് ഉയര്ന്ന് കേട്ടത്, എങ്കിലും അമിത് ഷാ ആയിരിക്കുമോ എന്നാണ് ചോദ്യം ഉയരുന്നത്. എന്നാൽ അത് ശരിയാകും വിധത്തിലാണ് സർവേ ഫലം.
സര്വേ ഫലം വന്നതോടെ മറ്റുള്ളവരെ പിന്നിലാക്കി കേന്ദ്ര ആഭ്യന്തര മന്ത്രി അമിത്ഷാ ആണ് മുന്നിലെത്തിയിരിക്കുന്നത്. മോദിയ്ക്ക് ശേഷം അമിത്ഷാ ബിജെപി പ്രധാനമന്ത്രിയാകുമെന്ന് സര്വേ ഫലം പറയുന്നു.നേരത്തെ പ്രധാനമന്ത്രി സ്ഥാനത്തെത്തുമെന്ന് വിലയിരുത്തിയ ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് സര്വേ ഫലത്തില് രണ്ടാം സ്ഥാനത്താണുള്ളത്. കേന്ദ്ര ഉപരിതല ഗതാഗത മന്ത്രി നിതിന് ഗഡ്കരിയാണ് പട്ടികയില് മൂന്നാം സ്ഥാനത്തുള്ളത്. സര്വേയില് പങ്കെടുത്ത 25 ശതമാനം പേര് അമിത്ഷായെ പിന്തുണച്ചു.
