ഇന്ത്യന്‍ സിനിമാലോകത്തിന്‍റെ അഭിമാനമായാണ് മലയാളത്തിന്‍റെ സ്വന്തം മോഹന്‍ലാലിനേയും മമ്മൂട്ടിയേയും കണക്കാക്കുന്നത്. പലപ്പോഴും ഹോളിവുഡ് താരങ്ങളുമായാണ് ഇരുവരേയും താരതമ്യം ചെയ്യാറുള്ളത്. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് മോഹന്‍ലാലിന്‍റെ ഹോളിവുഡ് അവതാരമാണ്. ഹോളിവുഡ് ചിത്രങ്ങളായ ഗോഡ്ഫാദർ, ടൈറ്റാനിക്ക്, ടോപ് ഗണ്‍, ഇന്ത്യാന ജോണ്‍സ്, മേട്രിക്‌സ്, സ്റ്റാര്‍ വാര്‍സ്, ജയിംസ് ബോണ്ട് എന്നീ സിനിമകളിലെ കഥാപാത്രങ്ങളായാണ് ലാലേട്ടന്റെ പകർന്നാട്ടം .
എഐ വിദ്യ ഉപയോഗിച്ചാണ് വിന്റേജ് മോഹൻലാലിന്റെ മുഖം സൃഷ്ടിച്ചത് . എഐ.മാജിന്‍ എന്ന ഇന്‍സ്റ്റഗ്രാം പേജിൽ പോസ്റ്റ് ചെയ്ത ഈ ചിത്രങ്ങളും വീഡിയോകളും ആരാധകർ ഏറ്റെടുത്ത് കഴിഞ്ഞു. ലാലേട്ടന്‍ ഹോളിവുഡിൽ അഭിനയിച്ചാൽ ഇങ്ങനെ ഇരിക്കും എന്ന തലക്കെട്ട് നൽകിയാണ് വീഡിയോ. വന്‍ വൈറലാവുകയാണ് ചിത്രങ്ങളും വിഡിയോയും.
