2 മാസത്തെ ക്ഷേമപെൻഷൻ ഓണത്തിന് മുൻപ് നൽകാൻ സർക്കാർ നീക്കം , ഈ മാസം 11 മുതൽ ക്ഷേമ പെൻഷൻ വിതരണം ആരംഭിക്കും. സംസ്ഥാനത്തെ ക്ഷേമ പെൻഷൻ ഗുണഭോക്താക്കൾക്ക് ഒരു മാസത്തെ കുടിശിക കൂടി ചേര്ത്താണ് ഓണത്തിന് മുൻപ് പണം കിട്ടുന്നത്’ തുക അനുവദിച്ചുകൊണ്ടുളള്ള ഉത്തരവ് പുറത്തിറക്കി
അറുപത് ലക്ഷത്തോളം ആളുകൾക്ക് 3,200 രൂപ വീതം ഓണത്തിന് മുൻപ് വീട്ടിലെത്തും വിധമാണ് ക്രമീകരണം. 1800 കോടി രൂപയാണ് ഇതിനായി വകയിരുത്തുന്നത്. തെരഞ്ഞെടുപ്പ് തോൽവിക്ക് ശേഷം തെറ്റുതിരുത്തൽ നടപടികളുടെ ഭാഗമായി മുഖ്യമന്ത്രി പ്രഖ്യാപിച്ച മുൻഗണനകളിൽ പ്രധാനം ക്ഷേമ പെൻഷൻ വിതരണമായിരുന്നു. ഇതടക്കം സാമൂഹിക സുരക്ഷാ നടപടികൾക്ക് കൂടുതൽ പണം വകയിരുത്തുമെന്നാണ് ധനവകുപ്പ് പറയുന്നത്.
കടമെടുപ്പ് പരിധിയിൽ കേന്ദ്രം അനുവദിച്ചിട്ടുള്ള 45000 കോടി രൂപ ഇതിനായി ചിലവഴിക്കും .കേരളത്തിന് ഡിസംബർ വരെ അനുവദിച്ച കടമെടുപ്പ് പരിധി 20512 ആയിരുന്നു, 13000 കോടിയോളം കുറവുണ്ടെന്നും, ഇത് അനുവദിക്കണമെന്നും ആവശ്യപ്പെട്ട് കേരളം നിരന്തരം സമീപിച്ചതിന് തുടർന്നാണ് മൂന്നിലൊന്നു തുക കൂടി കേന്ദ്രം തയ്യറായത്
